ཟླ་ ༡༠ ཚེས་ ༡༢ ་ཉིན་རྒྱབ་ཆུ་ཚོད་ ༢།༠༠ ཐོག་དཔལ་ལྡན་ཤེས་རིག་བཀའ་བློན་ཨོ་རྒྱན་བསྟན་འཛིན་མཆོག་དང་། བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་དེང་རབས་ཤེས་ཡོན་དང་མདུན་ལམ་ཚན་པའི་འགན་འཛིན་འཇམ་དབྱངས་དབང་རྒྱལ་མཆོག་གཉིས་སློབ་གྲྭར་འཚམས་གཟིགས་སུ་ཕེབས་ཤིང་། སློབ་ཕྲུག་གི་བྱེད་སྒོ་ཁག་ལ་གསན་གཟིགས་དང་། སྡེ་ཚན་དང་འཛིན་གྲྭའི་སློབ་འཁྲིད་ལ་གཟིགས་ཞིབ་གནང་བར་མ་ཟད། དཔལ་ལྡན་བཀའ་བློན་མཆོག་གིས་སློབ་ཕྲུག་ཚོར་དུས་ཚོད་ཆུད་ཟོས་མ་བཏང་བར་སློབ་སྦྱོང་ལ་ཤུགས་བརྒྱབ་དགོས་པ་དང་། མཐུན་རྐྱེན་ཡག་པོ་ཡོད་པ་ཚུལ་བཞིན་བེད་ས

ཕྱི་ཟླ་ ༡༠ ཚེས་ ༣༠ ཉིན་རྒྱབ་ཆུ་ཚོད་ ༢།༠༠ ནས་ ༤།༣༠ བར་ཤེས་ཡོན་སློབ་གསོ་བ་སྐལ་བཟང་དབང་འདུས་ལགས་ཀྱིས་འདི་གའི་དགེ་རྒན་རྣམ་པར་ཟབ་སྦྱོང་དང་ལམ་སྟོན་གཟབ་རྒྱས་གནང་ཡོད། དེའི་ནང་དོན་གཙོ་བོ་ཁག་གཤམ་གསལ་ལྟར་ཡིན། ༡. བྱ་དགའ་དང་ཉེས་ཆད་ཀྱི་དབྱེ་བ། བྱ་དགའ་དང་ཉེས་ཆད་ཀྱི་ཤུགས་རྐྱེན། སློབ་མའི་སྤྱོད་པ་དང་སློབ་སྦྱོང་ལ་སྐུལ་མེད་བྱེད་སྐབས། བྱ་དགའ་སྤྲོད་པ་དང་ཉེས་ཆད་གཏོང་བ་གཉིས་ཀྱིས་སློབ་མའི་སེམས་ཁམས་དང་འཛིན་གྲྭའི་ཁོར་ཡུག་ལ་ཕུགས་རྒྱང་རིང་པོའི་ཤུགས་རྐྱེན་ཇི་ལྟར་ཐེབས་ཀྱི་ཡོད་མེད་ཞིབ་ཏུ་བརྟག་དགོས།...

བོད་རྒྱལ་ཡོངས་རྩེད་རིགས་ཚོགས་ཆུང་གིས་རང་ལོ་ ༡༦ མན་གྱི་སྟོང་བཙན་རྐང་སྤོལ་རྩེད་འགྲན་དེ་བཞིན་ཕྱི་ཟླ་ ༠༩ ཚེས་ ༢༠ ནས་ ༢༧ བར་བདེ་སླར་རྐང་སྤོལ་རྩེད་ཐང་དུ་གོ་སྒྲིག་ཞུས་ཡོད་ཅིང་། འདི་སློབ་ཀྱི་བུ་དང་བུ་མོ་གཉིས་ཀའི་རྐང་སྤོལ་རུ་ཁག་གིས་རྩེད་འགྲན་དེ་ལ་མཉམ་ཞུགས་གནང་བ་ལས། ང་ཚོ་སློབ་གྲྭའི་བུ་མོའི་རྐང་སྤོལ་རུ་ཁག་ལ་མཐའ་མའི་རྒྱལ་ཁ་ཐོབ་པ་བྱུང་ཡོད། དེ་རིང་གི་ཞོགས་འཛོམས་ཐོག་བོད་རྒྱལ་ཡོངས་རྩེད་རིགས་ཚོགས་ཆུང་གིས་རྩེད་འགྲན་པ་ཡོངས་ལ་གནང་བའི་མཉམ་ཞུགས་ཕྱག་འཁྱེར་དང་། མཉམ་ཞུགས་གནང་བའི་རྟགས་མ། དེ་བཞིན་ཨང་དང